• dc3bw

Atkvæðagreiðsla um nýjan kjarasamning FFÍ við SA/Flugfélag Íslands ehf

Skrifað hefur verið undir kjarasamning milli Flugfreyjufélags Íslands og Samtaka atvinnulífsins vegna Flugfélags Íslands ehf. Nýi samningurinn hefur verið kynntur fyrir félagsmönnum og kynningargögn hafa verið sett inn í FFÍ appið.

Rafræn atkvæðagreiðsla hefst kl. 16.00 miðvikudaginn 17. febrúar 2021. Atkvæðagreiðslu lýkur kl. 14.00 þriðjudaginn 23. febrúar 2021. Aðgangur að kosningu verður í gegnum hlekk á heimasíðu FFÍ.

Atkvæðisrétt eiga félagsmenn FFÍ sem starfa hjá Flugfélagi Íslands ehf/Air Iceland Connect.

Fái einhver sem telur sig eiga atkvæðisrétt ekki aðgang að þessari rafrænu atkvæðagreiðslu (með rafrænum skilríkjum eða íslykli), getur viðkomandi snúið sér til skrifstofu FFÍ fram til loka kjörfundar og fengið sig færðan á kjörskrá og greitt atkvæði, enda leggi viðkomandi fram nauðsynleg gögn því til staðfestingar.

 

Kópavogi 16. febrúar 2021

Kjörstjórn Flugfreyjufélags Íslands

Stjórn FFÍ fordæmir framgöngu Bláfugls og SA

Stjórn FFÍ fordæmir framgöngu Bláfugls og SA

Flugfreyjufélag Íslands stendur með Félagi íslenskra atvinnuflugmanna og fordæmir aðför Bláfugls og SA gegn starfsmönnum sínum. Með þessari framgöngu er vegið að grundvallarréttindum stéttarfélaga og þar með öllum launþegum á Íslandi.  Atvinnurekendum er óheimilt að reyna að hafa áhrif á vinnudeilur eða stéttarfélagsaðild með uppsögn úr vinnu en um það er skýrt kveðið á um í 4. gr. laga nr. 46/1980 um stéttarfélög og vinnudeilur.

FFÍ þekkir slíkar aðfarir af eigin raun eftir atburði sumarsins 2020.

Kópavogur, 13.01.2021

Jóla- og áramótakveðja

 Jólakort2020_mynd.jpg

 Við sendum félagsmönnum okkar hugheilar óskir um gleðileg jól og farsælt komandi ár.

Við þökkum fyrir samveruna á árinu sem er að líða og horfum vonandi til bjartari og betri tíma á næsta ári.    

Stjórn og starfsfólk Flugfreyjufélags Íslands

Viðsemjendur

 
 
 
Niceair logo Horizontal RGB