Allsherjaratkvæðagreiðsla um boðun vinnustöðvunar hjá Primera Air Nordic

Allsherjaratkvæðagreiðsla um boðun vinnustöðvunar hjá Primera Air Nordic

Allsherjaratkvæðagreiðsla meðal félagsmanna Flugfreyjufélags Íslands, um boðun ótímabundinnar vinnustöðvunar flugfreyja/þjóna um borð í flugvélum Primera Air Nordic SIA, sem fljúga farþegum frá og til Íslands, á vegum Heimsferða, Terra Nova Sol og ef til vill fleiri fyrirtækja hér á landi.

Atkvæðagreiðslan hefst þriðjudaginn 2. maí 2017 kl. 18:00 á aðalfundi félasins sem haldinn verður á skrifstofu þess að Hlíðarsmára 15, Kópavogi og stendur til kl. 14:00 þriðjudaginn 9. maí 2017.

Stjórn og trúnaðarráð Flugfreyjufélags Íslands hvetur alla félagsmenn sína til þess að taka þátt í atkvæðagreiðslunni en tekist er á um kröfu Flugfreyjufélags Íslands þess efnis að Primera Air Nordic SIA geri kjarasamning um störf flugfreyja/þjóna, en þeirri kröfu hefur verið hafnað.

Reykjavík, 25. apríl 2017

Kjörstjórn Flugfreyjufélags Íslands

Bréf frá Kjörstjórn

Kæru félagsmenn FFÍ,

Kjörstjórn vill minna félagsmenn á það að nú stendur yfir kosning til stjórnar FFÍ og henni lýkur kl. 23:59 þann 1. maí nk.

Til að greiða atkvæði þurfa félagsmenn að fara á sérstaka kosningasíðu sem er aðgengileg í gegnum hlekk á vefsíðu Flugfreyjufélagsins, www.ffi.is

Auðkenna sig þarf með kennitölu og annað hvort íslykli eða rafrænum skilríkjum. Athugið að hægt er að nálgast íslykil með fljótlegum hætti á umræddri vefsíðu.

Athugið að hægt er að greiða atkvæði oftar en einu sinni og er það nýjasta atkvæði hvers kjósanda sem gildir.

Kjörstjórn hvetur alla til að nýta atkvæðarétt sinn. Klukkan 13:30 í dag höfðu 390 félagsmenn kosið sem er um þriðjungur þeirra sem er á kjörskrá.

Kjörstjórn