Fréttir og fundargerðir

Mikill stuðningur við baráttu Flugfreyjufélagsins

Nánar: Skrifað þann Föstudagur, 22 maí 2020 13:50

Flugfreyjufélagi Íslands hafa borist fjölmargar stuðningskveðjur á síðustu dögum meðal annars frá Evrópska flutningamanna sambandinu (European Transport Workers Federation) og Norræna flutningamannasambandinu (Nordic Transport Workers Federation).

Í yfirlýsingu ETF eru sendar baráttukveðjur frá 370 þúsund félagsmönnum um alla Evrópu en þar segir meðal annars. „On behalf of the 370,000 aviation workers the ETF represents all over Europe, we would like to express our full support to your legitimate fight and tell you that you are not alone. For us at the ETF, the fight against social dumping is one of the key priorities and we will do our utmost to support you. Your case is a flagrant example of misuse of the ongoing COVID-19 crisis to force an own agenda of raising the profits for the shareholders at the expense of the workforce, which is unacceptable.”

Í yfirlýsingunni segir enn fremur að mögulegar fyrirætlanir um stofnun ‘guls’ stéttarfélags til að þrýsta á kjaralækkun séu óþekktar í siðmenntuðum ríkjum Evrópu.

Lesa má yfirlýsinguna ETF í heild sinni hér

Í yfirlýsingu NTF kemur m.a. fram að útbreiðsla Covid-19 eigi ekki að vera afsökun fyrir félagslegum undirboðum eða fjandsamlegum aðgerðum gegn kjarasamningum og stéttarfélögum. Í yfirlýsingunni segir jafnframt „According the information we received from our Icelandic affiliate FFÍ, the Icelandic press has cited from a reliable source that Icelandair plans to solve the negotiations for the renewal of a collective agreement for its cabin crew by changing the negotiating union. We strongly condemn the plan and advice the company to withdraw from it. We have seen similar union busting moves from other countries and the result is never good, for any party involved.”.

Lesa má yfirlýsingu NTF í heild sinni hér

Yfirlýsing ASÍ vegna frétta um Icelandair

Nánar: Skrifað þann Miðvikudagur, 20 maí 2020 13:49

Reykjavík 20. maí 2020

Alþýðusamband Íslands mótmælir harðlega því sem lýst er í Morgunblaðinu og Fréttablaðinu í dag sem hugsanlegum viðbrögðum Icelandair í kjaradeilu félagsins við Flugfreyjufélag Íslands (FFÍ). Í báðum tilvikum er vísað til heimilda innan Icelandair. Samkvæmt fréttum Morgunblaðsins skoðar Icelandair möguleika á að stofna nýtt stéttarfélag flugfreyja og samkvæmt Fréttablaðinu hyggst Icelandair láta reyna á forgangsréttarákvæði kjarasamnings FFÍ fyrir félagsdómi náist ekki samningur.

Þessar vangaveltur eru settar fram á mjög viðkvæmu stigi samningaviðræðna og virðist tilgangurinn sá einn að hafa áhrif á starfsemi FFÍ og reka fleyg í samstöðu félagsmanna. Þær byggja einnig á mikilli vanþekkingu á íslenskri og alþjóðlegri vinnulöggjöf og kjarasamningi FFÍ.

Alþýðusamband Íslands áréttar að stéttarfélög eru félög launafólks sem njóta verndar í stjórnarskrá og atvinnurekendum er óheimilt að skipta sér af. Icelandair getur ekki sjálft stofnað til eða haft frumkvæði að stofnun stéttarfélaga. Við slíkt atferli verður ekki unað í íslensku samfélagi og Icelandair hollt að hafa í huga að aðildarfélög ASÍ hafa heimildir til þess að veita FFÍ stuðning í yfirstandandi kjaradeilu með boðun samúðarvinnustöðvana og fulla heimild til þess að verja réttarstöðu sína gegn ólögmætum árásum.

Raungerist fyrrnefndar vangaveltur á Icelandair ekkert tilkall til stuðnings úr opinberum sjóðum eða viðbótarhlutafjár úr lífeyrissjóðum launafólks. ASÍ krefst þess að stjórnvöld stígi fram og taki af öll tvímæli um að þau hyggist ekki styðja ólögmætt og ósiðlegt athæfi Icelandair.

Drífa Snædal, forseti ASÍ:

„Flugfreyjur hafa verið samningslausar lengi. Þær hafa staðið sameinaðar og komið fram af heilindum í kjaraviðræðum. Að mæta þeim á þessu stigi samningaviðræðna með hótunum um að ganga gegn lögum og leikreglum á íslenskum vinnumarkaði er með öllu óviðunandi.“

„Framganga Icelandair í samningaviðræðum við flugfreyjur hefur verið með ólíkindum og er til þess fallin að draga úr almennu trausti í garð þessa rótgróna flugfélags. Þetta er ekki flugfélagið okkar allra sem býður okkur velkomin heim. Við munum ekki sætta okkur við aðferðir sem á ensku eru kallaðar union busting og ganga út á að grafa undan samstöðu launafólks og eyðileggja verkalýðsfélög. Verkalýðshreyfingin mun ekki sitja með hendur í skauti andspænis slíkum aðgerðum.“

FFÍ appið fer vel af stað

Nánar: Skrifað þann Föstudagur, 25 maí 2018 11:08

FFÍ appið er farið í loftið og fer mjög vel af stað. Aðeins örfáum vikum eftir að appið varð virkt hafa hátt í 700 manns sótt appið og ríkir almenn ánægja með efni þess og virkni.

Appið er fyrir alla virka félagsmenn og er hugsað þeim bæði til gagns og gamans. Í appinu eru m.a. upplýsingar um kjarasamninga, sjúkrasjóð, orlofshús og afsláttaraðila. Einnig er þar hægt að senda inn tilkynningar, taka þátt í könnunum, lesa fréttir, frétta- og heilsupistla, kynna sér fyrirhugaða viðburði, sjá upplýsingar um stjórn, nefndir, ráð, samstarfsfólk, o.m.fl.

Notendaupplýsingar í appinu eru tengdar greiðslum félagsgjalda til FFÍ og þess vegna geta glænýir félagsmenn ekki sótt appið fyrr en u.þ.b. tveimur vikum eftir að þeir fá fyrstu launagreiðsluna sína.

Frá og með september 2018 er reiknað með að appið verði aðal samskiptatæki Flugfreyjufélagsins og mun það leysa heimasíðuna og tölvupóstinn að mestu af hólmi. Félagsmenn eru kvattir til að sækja appið og tileinka sér notkun þess sem allra fyrst.

Félagsmenn geta sótt appið í App- og Play store með því að slá inn leitarorðið „FFI appið“ (einfalt i) eða með því að smella á meðfylgjandi hlekki:

iOs App store:

https://itunes.apple.com/us/app/ffi-appið/id1305631924?mt=8

Android Play Store:

https://play.google.com/store/apps/details?id=com.app.twoway.ffi

Mikill stuðningur við baráttu Flugfreyjufélagsins

Yfirlýsing ASÍ vegna frétta um Icelandair

Fréttatilkynning til fjölmiðla

Niðurstöður atkvæðagreiðslu vegna Primera

FFÍ hefur sent inn kröfur í þrotabú WOW air

FFÍ appið fer vel af stað

Fleiri greinar...